Корисничка поддршка:
Македонски English

Слики од детството

Слики од детството
Слики од детството
Автор: Александар Кујунџиски

Достапност: На залиха
 

Оваа збирка содржи 55 кратки раскази за деца – „слики“ што авторот ги посветил на своето детство „претрчано во родното Пехчево“, вселено во прегратките на областа Малеш, во источниот дел од нашата Македонија.

Преку овој зборосплетен ѓердан од вистински згоди и настани, доживеани и повторно оживеани под перото на Александар Кујунџиски, може да се согледа  едно дамнешно детство во исконска сплотеност со природата; со ливадите, горите, ридјето, планињето и со нивниот растителен и животински свет...

Да се видат колоритот и одличијата на сите годишни времиња; драгоста што ја носи раскошот и буктежот на пролетта; распеаноста и исполнетоста на летните дружби и милности; дарежливоста на жолтозлатната есен; белината на снеговите и топлината на зимските игри и радости...

Да се почувствуваат личотијата на шумските јаготки, ѕуници, малини, капини, боровинки; опојот на здравецот, синчецот, мајкината душица, медуниките, јагликите; и на косеното сено, нанижано на стогови...

Да се слушнат  ѕунот на некогашните училишни ѕвончиња и советодавниот глас на драгите учители... Секако, неизоставно – и гргорот на планинските води што го заплиснуваат и на еден своевиден начин го бранувале ова преубаво гратче, за кое во времето на детството на овој наш писател насекаде ечела песната „Ој, Пехчево – ти град Венецијо!...

 

Автор: Александар Кујунџиски

ISBN: 978-608-243-219-9

Број на страници: 106

Димензии: 13x20

Корица: мека

Јазик: македонски

Едиција: Нови планети, книга 15

Категории: Книги за деца, Родољубни, Made in Macedonia

Година на издавање: 2017

Напиши мислење

Вашето име:


Вашато мислење: Note: HTML is not translated!

Оцена: Лошо           Добро

Внеси го кодот во полето подолу: