Корисничка поддршка:
Македонски English

Живко Грозданоски

Живко Грозданоски (1986) е роден во Кичево. Дипломирал италијански јазик и книжевност на Филолошкиот факултет „Блаже Конески“ во Скопје. Досега ги има објавено книгите „Песок и свила“ (поезија, гимназија „Нова“, 2005), „Отпечатоци врз коцки мраз“ (кратка-кратка проза, „Темплум“, 2009/2016), „Приказни за тревите и други приказни“ (раскази, „Антолог“, 2011), и „Куфер за тројца“ (роман/збирка од три новели, „Или-или“, 2014), која ќе влезе во финалето на конкурсот „Роман на годината“ на „Утрински весник“. Од италијански јазик ги има преведено „Next – малечка книга за глобализацијата и за светот што доаѓа“ од Алесандро Барико (есеј, „Антолог“, 2010), „Сенилност“ од Итало Звево (роман, „Магор“, 2011), „Кал“ од Николо Аманити (збирка новели и раскази, „Магор“, 2013) и „Нешто напишано“ од Емануеле Треви (роман, „Магор“, 2015), а ја има препеано збирката „Коски од сепија“ од Еуџенио Монтале („Магор“ 2013). Во 2007 година на филмскиот фестивал во Кан е прикажан неговиот краток документарец „In cage“, снимен во Косовска Митровица во 2006 година.

Живее во Скопје и Бигор Доленци.

Прикажи:
Сортирај по: