Корисничка поддршка:
Македонски English

Андреј Ал-Асади

 

Андреј Ал-Асади, млад скопјанец, роден во Лондон, Англија, на 7 февруари 1996 година. Со своите родители подоцна се враќа во Македонија каде што основното образование го завршува во ОУ „Ѓорѓија Пулевски”. Средно образование редовно посетува во СУГС гимназија „Никола Карев” со одличен успех.

Во средношколските денови, особено во првите години од гимназиското учење и другарување, се појавуваат првите стихови на младиот поет, кои ќе ги комплетира во една стихозбирка со музичко име - Миднигхт Блуес. Тоа е прва книга на Андреј Ал-Асади, издадена по заслуга на Билјана Костова, професор по македонски јазик и литература во гимназијата, која ја препозна дарбата на младиот поет и од с# срце се ангажираше да се објави.

Стихозбирката Midnight Blues го добива името поради пасијата на Андреј кон музиката, а особено кон блузот кој станува негова редовна музичка лектира од најраното детство, благодарение на добриот вкус за квалитетна музика на неговите родители.

     Андреј Ал-Асади е посветен на музиката, исто како и на поезијата, член е на повеќе музички бендови. Неговата прва средба со поезијата е преку музиката, така што младиот поет започнува да твори, инспириран од композициите што ги слуша.

            Подоцна, негова најголема инспирација ќе бидат поетите Вилијам Блејк и Ален Гинзберг, чии дела ќе му овозможат да изгради свој стил и начин на експресија кој го прави многу поразличен од останатите млади поети на негова возраст.

Прикажи:
Сортирај по: