Корисничка поддршка:
Македонски English

Елена Пренџова и Оливера Доцевска

  Елена Пренџова (1985, Скопје) е поетеса и слемерка. Дипломирала на Филолошкиот факултет во Скопје. На книжевната сцена е присутна една деценија, како авторка на шест поетски збирки, од кои четири се наградени со национални награди, и на една коавторска двојазична збирка, во препев на српски. Уредувачка е и на „Антологија на младата македонска авангардна поезија“ (2012). Застапена е во повеќе македонски и странски антологии и препејувана и објавувана на повеќе јазици. Учествувала на многу поетски интернационални фестивали во земјата и во регионот, меѓу кои и повеќекратното учество на Млада Струга при Струшките вечери на поезијата. Во мај 2015 година е стипендирана од Министерството за култура во Албанија, Поетека Албанија и од мрежата Традуки за писателска резиденција во Тирана, Албанија. Денес е една од уредниците на најстарото книжевно списание „Современост“ и активна членка на ДПМ од 2012 год. Последните неколку години организира слем-натпревари во градовите низ Македонија.

 

 Оливера Доцевска е родена во Куманово на 05 март 1975 година. Од 2012 година е Член на Друштвото на писатели на Македонија, од 2014 година претседател на Статутарната комисија на ДПМ, член на Собранискиот одбор на ДПМ  и член на Сојузот на преведувачи на Македонија. Има објавено неколку стихозбирки на македонски и на други јазици: Илузија за сон, Портокалова, Сончица – Сончоглед – Сунцокрет (тријазично издание), Еден миг од времето. Нејзини творби се вклучени во повеќе антологии на различни јазици и има освоено повеќе важни награди.

Прикажи:
Сортирај по: