Корисничка поддршка:
Македонски English

Тихомир Јанчовски

Тихомир Јанчовски, поет, колумнист и преведувач. Роден е во 1967 година, во Скопје. Пред да наполни 30 години, живеел во Скопје, Брисел, на островот Скијатос, малку во Амстер­дам, повеќе во Лондон и во Будимпешта и пак во родниот град. Најмногу таму, во „Професорската зграда“ на „Ле­нинова“ 65. Работел како физикалец, собар, тревокосач, разнесувач на весници, работник во фабрика за сокови, продавач на тезга (Ковент Гарден), келнер, чувар на плажа, шанкер, новинар, музичар, молер, преведувач и професор по литература и по светска историја. Отсекогаш сакал да научи и берберски занает, ама не стигнал. Бил трипати на Света Гора. Ги посетил сите градови, многу села и повеќе­то манастири во Македонија. Од 1997 година постојано живее и работи во Скопје. Има објавено шест книги поезија:

„Обични зборови“, Табернакул, 1999

„Два“, Кинематика, 2002

„Последно време“, Блесок, 2005

„Осама“, Или-или, 2010

„О, ти“, Темплум, 2011

„Староста може а и не мора да се дочека“, Матица, 2013

Избори од неговата поезија се преведувани и објаву­вани во различни литературни списанија и антологии („Млад борец“, „Студентски збор“, „Proglas“, „Texas Poetry Review“, „Muse India“, „Блесок“, „Пурпурни извори“, „Voix Vives“…). Колку што ни е познато, преведуван е на англис­ки, француски, словачки, српски, хрватски, албански, грч­ки и на италијански јазик.

Од 2013 година редовно објавува колумни во „Утрински весник“, во рубриката „Рурбано“. Излегуваат секој втор викенд.

 

Прикажи:
Сортирај по: