Корисничка поддршка:
Македонски English

И книгите одат во пар во „Антолог“

by Kristina Velevska | No comments yet. | 498 views on this post

„И КНИГИТЕ ОДАТ ВО ПАР“ ВО „АНТОЛОГ“ И ПРЕКУ НОВАТА Е-КНИЖАРНИЦА           

 

6 февруари 2017, Скопје – Издавачката куќа „Антолог“ од Скопје со особено задоволство ја најавува акцијата И книгите одат во пар, која започнува денеска, а ќе трае до крајот на февруари. По повод месецот на виното и љубовта, „Антолог“ нуди прекрасни можности за да им одберете подарок на вашите сакани и блиски.

Во „Антолог“ овој месец и книгите одат во пар, а ги „спарувате“ вие. За само 400 ден. читателите може да си направат комбинација од две книги (по сопствен избор) од следните 12 наслови:

- Љубовна саботажа од најценетата белгиска писателка Амели Нотомб,

- Жените на Лазар од Марина Степнова, добитничка на највисоката руска книжевна награда „Големата книга“,

- Вештерката и дождот од Јурга Иванаускаите, забранет роман во Литванија, кој стана европски бестселер,

- Романот со оригинално течење на дејството, Плима од Инга Абеле,

- Блуз од мешана крв од Еси Едуџин, добитничка на канадската награда „Гилер“,

- Последици од Нина Вејерс, добитничка на наградата за најдобра дебитанска книга „Антон Вахтер“,

- Творецот на ангелите од Стефан Брејс, досега преведена на повеќе од 15 јазици со 39 изданија само во Белгија,

- Ремек-делото на модерната готика Седумцрквие од „црниот витез на чешката литература“ Милош Урбан,

- Чик од Волфганг Херндорф, која цела година котирала на листата на бестселери во Германија,

- Ножот на Аврам од Отар М. Нордфјорд, кого го нарекуваат „исландскиот Ден Браун“,

- 18% сиво од Захари Карабашлиев, најпродавана книга во Бугарија и добитник на наградата „Вик“ за роман на годината, како и

- Седумтемина луди од Роберто Арлт, жестока антиутопија, во која вистината и фантазијата си ги заменуваат местата.

Акцијата ќе се одвива во просториите nа „Антолог“, како и во новата електронска книжарница на „Антолог“. По тој повод, промотивно, сите нарачки овој месец ќе бидат со бесплатна достава, како подарок од „Антолог“ за читателите. Електронската продавница на „Антолог“ е достапна на www.antolog.mk и таму може да се купат сите наслови од богатата продукција на оваа издавачка куќа.

                                                         

Традиционално, и овој февруари, за секоја сметка над 900 ден. купувачите во Книжевен центар „Антолог“ (ул. „Ѓорѓи Пулевски“ бр. 29 лок. 1) ќе добијат на подарок шише првокласно вино антологиско.

– Ова вино не се продава, туку е оригинален подарок што „Антолог“ им го доделува на своите странски и домашни соработници и пријатели, како инспирација за многу пријатни творечки и животни моменти – објаснуваат од „Антолог“.

Уживајте во романтичниот месец на љубовта со прекрасно спакуваните книги од „Антолог“.

Comments (0)

Напиши коменатар

Вашето име:


Рангирање: Лошо           Добро

Внесете го кодот од сликата долу:




Вашиот коментар: Забелешка: HTML is not translated!