Корисничка поддршка:
Македонски English

КОНЦЕРТНА ПРОМОЦИЈА НА „ЉУБАВИНА“ ОД ЃОКО ЗДРАВЕСКИ

by Kristina Velevska | No comments yet. | 175 views on this post

КОНЦЕРТНА ПРОМОЦИЈА НА „ЉУБАВИНА“ ОД ЃОКО ЗДРАВЕСКИ  

 

8 ноември 2016, Скопје – Организацискиот тим на Фестивалот на европската книжевност „BookStar“ со големо задоволство ја најавува промоцијата на најновата поетска збирка „љубавина“ на Ѓоко Здравески, како дел од OFF програмата на Фестивалот. Промоцијата ќе се одржи утре, 9 ноември 2016 година, со почеток во 20 часот, во Менада.

Збирката ќе биде промовирана на еден необичен начин – како своевиден концерт на поезијата, на кој ќе настапуваат:  Натали (глас)Цобе (флејта)Вико (гитара) и Ѓоко (глас).

                                                            

Ракописот „љубавина“ од Ѓоко Здравески претставува збирка љубовна поезија од седумдесетина страници, поделена во три циклуси. Во песните од сите три циклуси главно се пее за бестелесна љубов, за љубовта како премин, за љубовта како начин на постоење и како начин да се спознава светот. Иако навидум апстрактна, инспирацијата на лирскиот субјект секогаш доаѓа директно од физичката стварност. Самиот наслов претставува неологизам, кој во себе ги содржи љубовта и убавината. Во книгата се чести јазичните игри, постапка карактеристична за поезијата на Здравески.

Ѓоко Здравески е роден во 1985 година во Скопје. Дипломирал на Филолошкиот факултет „Блаже Конески“ во Скопје. Пишува поезија, кратка проза и есеи, а најдолго и најпосветено го пишува својот магистерски труд. Има објавено три книги поезија: „Палиндром со две н“ (2010), „куќичка за птици-преселници“ (2013) и „љубавина“ (2016). Заедно со уште неколку поети од Србија и од Македонија ја има објавено книгата „Торту кроз прозор“ (поезија, 2010). Преведуван е на десетина европски јазици.

 

Фестивалот „BookStar“ е поддржан од Европската Унија, Министерството за култура на Република Македонија, Амбасадите на Кралството Холандија и на Република Полска. Логистичката поддршка е на Јавна соба. 

Ве очекуваме во светот на уметноста од 24 октомври до 11 ноември.

Comments (0)

Напиши коменатар

Вашето име:


Рангирање: Лошо           Добро

Внесете го кодот од сликата долу:




Вашиот коментар: Забелешка: HTML is not translated!