Корисничка поддршка:
Македонски English

ПРОМОЦИЈА НА ПОЛИТИЧКИОТ ТРИЛЕР „ПУСТИНСКАТА ЗМИЈА ОД ГИЗА“ ОД ИЛИЈА МАГДЕНОСКИ

by Kristina Velevska | No comments yet. | 290 views on this post

ПРОМОЦИЈА НА ПОЛИТИЧКИОТ ТРИЛЕР „ПУСТИНСКАТА ЗМИЈА ОД ГИЗА“ ОД ИЛИЈА МАГДЕНОСКИ           

 

10 октомври 2016, Скопје – Издавачката куќа „Антолог“ од Скопје со големо задоволство ја најавува промоцијата на романот Пустинската змија од Гиза од Илија Магденоски, која ќе се одржи на 12 октомври 2016 година (среда) во кафулето „Децата од нашата улица“ во Скопје, со почеток во 20 часот. Промотор на делото ќе биде Душко Крстевски, поет и литературен критичар.

Болката и страдањата на луѓето секаде се исти, без оглед на тоа каде се наоѓаат, во Македонија, на Балканот, на Блискиот Исток, во Америка. Кога децата и родителите ќе се разделат, нивната средба по 30 години е посебно доживување. Кога таткото изгубил сè и кога ќе се сретне со својата ќерка, не сака да се раздели повторно, се жртвува за своето дете, кое, пак, животот го посветило на борбата против злото. На друг крај на земјата, големата љубов на двајца млади и вербата во подобро утре придонесуваат да се разоткрие една голема завера против човештвото.

Но не секогаш работите се предвидливи. Богатите и моќните изгледаат недопирливи, но, кога злото ќе се извие над нив, тогаш обичниот човек, малиот голем херој, станува влакно за кое тие се држат за да го спречат она што надоаѓа, она што ги загрозува нив, нивните семејства и нивниот народ. Сите ние сме мали големи херои од кои зависи каква утрешнина нè чека. Дали доброто ќе надвладее над злото зависи само од нас, обичните луѓе, без оглед на тоа во кој дел на светот живееме, на која вера ѝ припаѓаме, која боја на кожата ја имаме.

Вака некако тематски може да се сублимира овој возбудлив прв роман.

Илија Магденоски е роден на 1 август 1956 година во с. Белица, Кичево. Завршил средно училиште за внатрешни работи во Скопје (1971-1975), а дипломирал социјална работа на УКИМ. Дванаесет години поминал на работа во дипломатско-конзуларни претставништва на СФРЈ во Сиднеј, 6 години во Мелбурн и 4 години во Амбасадата на Република Македонија во Словенија, како и во Амбасадата во Ватикан. Пред враќањето во Република Македонија од Австралија, два месеца престојувал во Сингапур и во Малезија, а во Македонија се вратил во февруари 1992 година, во екот на војната, кога бил приведен на аеродромот „Сурчин“ во Белград за да биде упатен на фронт во Вуковар. Во годините поминати во Министерството за внатрешни работи имал можност да престојува во Диселдорф, Каиро и на други места, при што се стекнал со многу знаења и вештини. Пензионерските денови ги минува пишувајќи, градејќи макети, претежно цркви, создавајќи текстови за песни и шетајќи по убавиот Охрид.

Comments (0)

Напиши коменатар

Вашето име:


Рангирање: Лошо           Добро

Внесете го кодот од сликата долу:




Вашиот коментар: Забелешка: HTML is not translated!