Корисничка поддршка:
Македонски English

ОБЈАВЕН РОМАНОТ „ТРАЧ“ ОД ЕЛИН ХИЛДЕРБРАНД

by Kristina Velevska | No comments yet. | 754 views on this post

ОБЈАВЕН РОМАНОТ „ТРАЧ“, БЕСТСЕЛЕР НА „ЊУЈОРК ТАЈМС“ ОД „КРАЛИЦАТА НА ЛЕТНИТЕ РОМАНИ“

 

           

29 март 2016, Скопје – Издавачката куќа „Антолог“ од Скопје со големо задоволство го најавува објавувањето на романот „Трач“ од бестселер-авторката на „Њујорк тајмс“, Елин Хилдербранд. „Антолог“ и официјално ќе биде издавач на македонски јазик на книгите на авторката позната како „кралицата на летните љубовни романи“. Следните трачеви за неа се точни: ги пишува своите романи рачно, добра готвачка е, но катастрофална градинарка, и се бори со рак на дојката. Сè друго е отворено за шпекулации. На македонски делото го преведе Нина Рудиќ.

„Трач“ е прекрасна книга за опуштање во секое време и на секое место. Меделин Кинг и Грејс Панцик се најдобри пријателки на кои им завидува целиот остров Нантакет поради сето она што го имаат – совршени бракови, прекрасни деца, заеднички вечери во недела навечер. Сепак, Грејс ѝ се доверува на Меделин дека го изневерува сопругот, а оваа почнува да пишува роман за тоа, сакајќи да го објави зад нејзин грб... А, доколку во Нантакет сакаат нешто повеќе од коктели на плажа на зајдисонце, тоа е – добар трач. И додека Грејс и Меделин се обидуваат да ги поправат работите, можно е вистината да биде полоша и од тоа што го зборува народот.

Емотивната сага „Трач“ е петнаесеттиот роман на  Елин Хилдербранд. Сите нејзини книги се случуваат во околината на островот Нантакет, каде што и самата живее со сопругот и со трите деца. Како тинејџерка секое лето го минувала на Кејп Код, безгрижно уживајќи, сè додека татко ѝ не загинал во авионска несреќа. Следниот одмор решила да работи, поставувајќи си нова животна цел: секогаш да ѝ биде лето. 

Comments (0)

Напиши коменатар

Вашето име:


Рангирање: Лошо           Добро

Внесете го кодот од сликата долу:




Вашиот коментар: Забелешка: HTML is not translated!