Корисничка поддршка:
Македонски English

НАСКОРО ВО „АНТОЛОГ“ - НАЈНОВИОТ ТРИЛЕР НА ГИЛЈЕРМО МАРТИНЕС

by Kristina Velevska | No comments yet. | 651 views on this post

„БАВНАТА СМРТ НА ЛУСИЈАНА Б.“ – НОВА КНИГА ОД ГИЛЈЕРМО МАРТИНЕС НА МАКЕДОНСКИ

 

           

 

14 март 2016, Скопје – Издавачката куќа „Антолог“ од Скопје со големо задоволство го најавува објавувањето на трилерот мистерија „Бавната смрт на Лусијана Б.“ од најпопуларниот современ аргентински писател, Гилјермо Мартинес, кој на македонската публика ѝ е познат по трите романи „Оксфордски убиства“, „За Родерер“ и „Жената на маестрото“, кои имаа исклучителен одѕив меѓу читателите. Најновиот роман на Мартинес на македонски го приопшти Огнена Никуљски.

                                                       

Лусијана е млада Аргентинка чии пријатели и роднини почнуваат да умираат од насилна смрт или како жртви на необјасниви незгоди. Таа мисли дека зад сето тоа стои познатиот писател Клостер – автор на мрачни романи со злосторства и со злокобни личности. Нему, без да сака, некогаш во минатото му предизвикала голема болка. Уште повеќе што убиствата во неговиот роман течат на ист начин како во животот на Лусијана. Полицијата не ѝ верува на поврзаноста и таа бара помош од друг писател, ривал на Клостер. Средбите меѓу двајцата писатели, суптилни и силни вербални соочувања, поставуваат четири можни објаснувања за оваа серија умирања.

Љубителите на Алфред Хичкок и на Карлос Руиз Зафон ќе бидат воодушевени од овој психолошки напнат трилер, кој од „Њујорк тајмс“ е оценет како „задолжителна лектира за секој што сака мистерии“.

Гилјермо Мартинес (роден 1962) е еден од најпознатите аргентински писатели. Својата кариера ја осигура со романите „За Родерер“ и „Жената на маестрото“, а особено со неговото најпознато дело, „Оксфордски убиства“ од 2003 година, за кое ја добил наградата „Планета“. Дипломирал математичка логика во Буенос Аирес, Аргентина. Две години поминал на постдокторски студии на Математичкиот институт во Оксфорд, Англија.

 

Comments (0)

Напиши коменатар

Вашето име:


Рангирање: Лошо           Добро

Внесете го кодот од сликата долу:




Вашиот коментар: Забелешка: HTML is not translated!