Корисничка поддршка:
Македонски English

МЕСЕЦ НА ВИНО И ЉУБОВ ВО „АНТОЛОГ“

by Kristina Velevska | No comments yet. | 719 views on this post

МЕСЕЦ НА ЉУБОВ И НА „АНТОЛОГИСКО“ ВИНО

 

1 февруари 2016, Скопје – Издавачката куќа „Антолог“ од Скопје со големо задоволство ја најавува својата нова акција „Месец на љубов и на вино“. Во склоп на акцијата, со големи попусти ќе бидат понудени два ексклузивни пакети со книги. Исто така, од 1 до 29 февруари, за секоја сметка над 1000 денари „Антолог“ им подарува на своите читатели – шише вино „антологиско“!

Првиот пакет, со име Сеќавање на љубовта, ги содржи книгите „Невидливи љубови“ од Владимир Јанковски, „Трипати взори“ на Алесандро Барико, „Сеќавање на љубовта“ од Амината Форна и „Појадок кај Тифани“ од Труман Капоти. Овој пакет ќе биде намален од 1100 на 699 денари. Со вториот пакет, именуван Дај две, љубовни!, се добиваат книгите „Габриела, каранфилче и цимет“ од Жорже Амадо, „На плоштадот Дијамант“ од Мерсе Родореда, „Зарем плачеше?“ од Даче Рукшане и ангологијата „Дај две, љубовни!“. Пакетот ќе биде намален од 1120 на 799 денари.

                 

„Во нашиот Книжевен центар секогаш пригодно ги одбележуваме најголемите празници. По повод месецот на љубовта и на виното, ги подготвивме овие специјално обмислени пакети, како и виното 'антологиско', кое е одличен подарок – за да ги стопли читателите во студените денови и со него да си ги честитаат празниците што се одбележуваат месецов“, соопштуваат од „Антолог“.

                                                                     

Виното не е за продажба, претставува ексклузивен подарок што од неодамна „Антолог“ почна да им го доделува на своите странски и домашни соработници. Замислата е ова репрезентативно и висококвалитетно македонско вино да биде инспирација за многу пријатни творечки и животни моменти.

Акцијата важи само во просториите на Книжевен центар „Антолог“, улица „Ѓорѓи Пулевски“ бр. 29 лок. 1. Koличините се ограничени.

Comments (0)

Напиши коменатар

Вашето име:


Рангирање: Лошо           Добро

Внесете го кодот од сликата долу:




Вашиот коментар: Забелешка: HTML is not translated!