Корисничка поддршка:
Македонски English

ОБЈАВЕН РОМАНОТ „ЗУЕЊЕ ВО ГЛАВАТА“ ОД ДРАГО ЈАНЧАР

by Kristina Velevska | No comments yet. | 458 views on this post

ОБЈАВЕН ЕДЕН ОД НАЈЗНАЧАЈНИТЕ СЛОВЕНЕЧКИ ПИСАТЕЛИ

           

20 јануари 2016, Скопје – Издавачката куќа „Антолог“ од Скопје со задоволство го најавува објавувањето на романот „Зуење во главата“ од словенечкиот писател Драго Јанчар. Со голема раскажувачка сувереност, Драго Јанчар ги поврзува драматичните настани на побуната на затворениците во поранешна Југославија со историјата на востанието од Масада во Јудеја. Преводот на македонски јазик е на Лидија Аризанковска.

                                                                     

Затворениците од затворот Ливада во поранешна Југославија успеваат да се изборат за согласност да го гледаат преносот од финалниот кошаркарски натпревар меѓу Југославија и САД летото 1975 година. Но чуварот ги прекинува во тоа и го навлекува гневот врз себе. Затворениците почнуваат штрајк и заземаат голем дел од затворот. Сè почнува како анархија, но потоа водачот на немирите, Кербер, заедно со уште еден затвореник, решава да направи систем на затворско самоуправување, со цел да предизвикаат реформи во државата. Но, за тоа време, и полицијата се подготвува за упад во зградата. Косценарист на истоимениот филм снимен според овој роман е и драмскиот автор Дејан Дуковски. Книгата е објавена со поддршка на фондацијата „Трубар“ при Друштвото на словенечките писатели и на Јавната агенција за книги.

Драго Јанчар (1948) е еден од најзначајните словенечки писатели. Студирал право, а потоа работел како новинар. Поради книжевниот отпор против комунистичкиот режим во поранешна Југославија, извесно време поминал во затвор. Има објавено повеќе збирки раскази и романи, како и едни од најдобрите словенечки театарски пиеси. Познат е по своите политички коментари и граѓанска активност.

Comments (0)

Напиши коменатар

Вашето име:


Рангирање: Лошо           Добро

Внесете го кодот од сликата долу:




Вашиот коментар: Забелешка: HTML is not translated!