Корисничка поддршка:
Македонски English

ОБЈАВЕНА КНИГАТА ЗА ДЕЦА „УЦИПУЦИ СИ ГО БАРА ДОМОТ“

by Kristina Velevska | No comments yet. | 131 views on this post

3 декември 2019

 

Издавачката куќа Антолог од Скопје со големо задоволство соопштува дека ја објави книгата за деца, која содржи и куклен театар:

 

УЦИПУЦИ СИ ГО БАРА ДОМОТ

од латвиската авторка Зане Зуста

 

Оваа книга ја раскажува возбудливата и по малку опасна авантура на Уципуци, бувчето играчка што Крис го заборава на одморот во Италија. За да се врати кај својот мал сопственик, бувчето мора да помине долга и опасна патека низ целата куќа за да дојде до терасата и да се сретне со Големиот Комарец, единствениот што знае каде е Крис. На Уципуци ѝ помагаат пајакот и штурецот и двајцата стануваат нејзини незаменливи помошници и добри пријатели.

Ова е интерактивна книга – сите читатели на крајот ги очекува изненадување: куклен театар со ликовите од книгата!

Со ова издание „Антолог“ продолжува да работи на афирмација и збогатување на литературата за деца со квалитетни наслови што ќе ги поттикнат и ќе ги развијат читачките навики уште од најмали нозе.

                                                                             

Зане Зуста (1982) е родена во Латвија. Таа е новинарка, автор на книги за деца и раководител на издавачката куќа „Уципуци“. Уште за време на студиите по новинарство, започнува со работа во медиуми и односи со јавноста. Нејзината книга за деца „Уципуци си го бара домот“ (2015) била номинирана за наградата „Голден епл три“ во 2015 година за најубава книга на годината. Две години подоцна, втората книга од серијата, „Уципуци размислува на оригинален начин“, била номинирана за Годишната награда за литература за деца во Латвија.

Книгата е илустрирана од страна на Евија Тима-Новика. Македонското издание е преведено од Ирена Трајкова, графички уредено од Марко Трпески, а финансиски поддржано од Латвиската книжевна платформа заедно со  Министерството за култура на Република Латвија  и Латвискиот државен фонд за култура.

 

Trivia: Сите млади читатели што сакаат да напишат или да нацртаат нешто за Уципуци, да ѝ раскажат некоја приказна или да ѝ кажат кој од ликовите во книгата им се допаднал, а кој не, може да ѝ испратат порака на ucipucimk@gmail.com. Уципуци сите ги очекува со нетрпение!

Comments (0)

Напиши коменатар

Вашето име:


Рангирање: Лошо           Добро

Внесете го кодот од сликата долу:




Вашиот коментар: Забелешка: HTML is not translated!