Корисничка поддршка:
Македонски English

ОБЈАВЕНА КНИГАТА „ВОСПИТУВАЊЕТО ДЕВОЈКИ ВО ЧЕШКА“ ОД МИХАЛ ВИВЕГ

by Kristina Velevska | No comments yet. | 76 views on this post

18 септември 2019

 

Издавачката куќа Антолог од Скопје со големо задоволство соопштува дека во рамките на проектот Читаме заедно! (United we read!) ја објави книгата

 

ВОСПИТУВАЊЕТО ДЕВОЈКИ ВО ЧЕШКА

од чешкиот автор Михал Вивег

Дејството во романот почнува кога писателот и наставник по чешки јазик и литература, Оскар, ја прифаќа понудата на локалниот бизнисмен, новопечен богаташ, да ѝ одржи курс по креативно пишување на неговата постара ќерка Беата во текот на летниот распуст. Беата е нескротлива млада девојка што од револт дека нејзиниот татко насилно ја прекинува љубовната приказна со еден од неговите вработени со денови не разговара со никого.

Тешката задача да ѝ предава на младата девојка што во потполност го игнорира духовитиот учител ја завршува повеќе од успешно, па дури и се вљубува. Поточно, Оскар развива еден комплексен однос, кој опфаќа емпатија, страст и инспирација.

Овој сатиричен приказ на чешкото посткомунистичко општество и првите тајкуни ќе биде промовиран во Скопје во рамките на Фестивалот на европската литература „BookStar“ со гостување на авторот Михал Вивег.

                                                                                   

Михал Вивег (1962) е еден од најпопуларните и најпродавани современи чешки писатели. Дипломирал чешки јазик и педагогија. Како романсиер, драматург, сценарист и автор на раскази и колумни пишува со многу хумор и оригинална иронија постигнувајќи длабоки значења. Од крајот на 1990-тите секоја пролет објавува по една книга. Преведуван е на 25 јазици. Добитник е на наградите за литература „Јиржи Ортен“ и „Магнезија литера“. Неговите книги се распродадени во милион примероци само во Чешка.

Македонското издание на книгата е преведено од Маргарета Карајанова, графички уредено од Марко Трпески, а финансиски поддржано од програмата Креативна Европа на Европската Унија и Министерството за култура на Република Македонија.

 

Trivia

„Воспитувањето девојки во Чешка“, веројатно најуспешното дело на чешкиот автор, кого го споредуваат со Ник Хорнби, има и своја филмска екранизација од 1997 година.

Comments (0)

Напиши коменатар

Вашето име:


Рангирање: Лошо           Добро

Внесете го кодот од сликата долу:




Вашиот коментар: Забелешка: HTML is not translated!