Корисничка поддршка:
Македонски English

ОБЈАВЕН РОМАНОТ „БУСОЛА“ ОД МАТИЈАС ЕНАР

by Kristina Velevska | No comments yet. | 26 views on this post

Најново издание

РОМАНОТ ДОБИТНИК НА ГОНКУРОВАТА НАГРАДА, „БУСОЛА“, ОБЈАВЕН ВО „АНТОЛОГ“

 

3 декември 2018, Скопје – Издавачката куќа „Антолог“ од Скопје со огромно задоволство го најавува објавувањето на романот „Бусола“ од францускиот писател Матијас Енар. Книгата е добитничка на наградата „Гонкур“ во 2015 година. Преводот на македонски е на Владо Ефтимов.

                                                                                   

Во текот на една бессона ноќ во Виена музикологот Франц Ритер ги оживува во своите сеќавања спомените за сопствената универзитетска кариера, за своите патувања, за миговите поминати со жената во која е вљубен. Лебдејќи помеѓу сонот и сеќавањата, ги преиспитува својата фасцинација за Блискиот Исток и многуте патувања во Истанбул, Алепо, Дамаск и во Техеран, како и многуте писатели, уметници, музичари, ориенталисти и истражувачи, кои го надополнуваат овој огромен сон. Во центарот на овие сеќавања е неговата неостварена љубов, Сара, француска научничка.

Возбудлива и убедлива ерудиција, со зачудувачки референции на композитори од деветнаесеттиот век и езотерични ориенталисти. Како да ги поврзал Балзак и Агата Кристи на еден магичен начин!

Извонреден, моќен, музички роман, полн со горчливо-сладок хумор. Потрага по другоста, мостот помеѓу Истокот и Западот, вчера и утре.   

Книгата е објавена со поддршка на Министерството за култура на Република Македонија.

Матијас Енар (1972) е француски автор. Главно пишува романи со арапска тематика. Студирал арапски и персиски јазик. Долго време живеел на Блискиот Исток и го истражувал. На почетокот на новиот милениум се преселил во Барселона, каде што ги пишува сите дела. Добитник е на многу книжевни награди, а неговиот роман „Бусола“ е распродаден во повеќе од 300 000 примероци!

Comments (0)

Напиши коменатар

Вашето име:


Рангирање: Лошо           Добро

Внесете го кодот од сликата долу:




Вашиот коментар: Забелешка: HTML is not translated!