Корисничка поддршка:
Македонски English

ОБЈАВЕН РОМАНОТ „ЖИВОТОТ ПОЧНУВА ВО ПЕТОК“ ОД ЈОАНА ПАРВУЛЕСКУ

by Kristina Velevska | No comments yet. | 566 views on this post

„ЖИВОТОТ ПОЧНУВА ВО ПЕТОК“ – ПРЕД МАКЕДОНСКИТЕ ЧИТАТЕЛИ

       

23 ноември 2015, Скопје – Издавачката куќа „Антолог“ од Скопје со големо задоволство го најавува објавувањето на романот „Животот почнува во петок“ од Јоана Парвулеску. Книгата е добитник на Европската книжевна награда за 2013 година. Преводот е на Ермис Лафазановски.

Во 1897 година на едно поле близу Букурешт е пронајден онесвестен маж. Никој не го познава и секој има различни претпоставки: Дали е дојденец од странство што сака да си ги скрие трагите? Дали е криминалец? Болен човек?

Дејството на овој напнат роман,  кој наликува на полициски трилер, со неверојатно живи личности со кои читателот  лесно се спријателува, се случува во период од 13 дена, од петок, 19 декември, до крајот на годината. Атмосферата на Букурешт од крајот на векот е пренесена небаре на филм. Доволно е да ја отворите книгата и веќе сте таму. Романот е објавен со поддршка на програмата „Креативна Европа“ на Европската Унија.

                                                                  

Јоана Парвулеску е еден од најважните гласови на современата романска книжевност. Дипломирала на Факултетот за книжевност, каде што и предава од 1996 година. Докторирала на тема книжевни предрасуди. Преведува од француски и од германски. Членка е на Друштвото на писатели на Романија.

                                                           

Ермис Лафазановски е македонски преведувач, раскажувач, роман­сиер, историчар и теоретичар на литературата. Роден е во Клуж, Ро­манија, на 8 декември 1961 година. Завршил Филолошки факултет во Скопје. Доктор e по филолошки науки. Работи во Институтот за фолклор „Марко Цепенков“ во Скопје. Претседател е на македонскиот ПЕН-цен­тар. 

Comments (0)

Напиши коменатар

Вашето име:


Рангирање: Лошо           Добро

Внесете го кодот од сликата долу:




Вашиот коментар: Забелешка: HTML is not translated!