Корисничка поддршка:
Македонски English

ТЕАТАРСКА ПРОМОЦИЈА НА КНИГАТА „ГО СИЛУВАВМЕ ЕЖОТ“

by Kristina Velevska | No comments yet. | 128 views on this post

 „Антолог“ најавува

ТЕАТАРСКА ПРОМОЦИЈА НА КНИГАТА „ГО СИЛУВАВМЕ ЕЖОТ“

 

18 јуни 2018, Скопје – Издавачката куќа „Антолог“ од Скопје со големо задоволство ја најавува промоцијата на книгата Го силувавме ежот од македонскиoт писател и хуморист Марјан Анѓеловски, која ќе се одржи в среда (20 јуни 2018 година) на малата сцена на Универзалната сала, со почеток во 20 часот. Промотор на книгата ќе биде рецензентот Игор Ивковиќ.

На промоцијата ќе биде изведен и дел од драмската претстава работена според книгата, во која, покрај самиот автор, настапуваат уште и: Јасмин Рамани, Петра Ивановска, Сара Николовска, Ивана Стамевска, Огнен Велевски, Ристе Мицевски, Александар Јовановски, Елена Ѓорѓевска.

Го силувавме ежот е драмски наратив во кој преку дејствувањето на главните ликови и развојот на нивната љубовна приказна Анѓеловски го апострофира „лудилото“ на власта, сатирична драма за апсурдното владеење на еден современ режим во рамките на демократско општество, раскажана преку љубовна приказна меѓу млад новинар и проститутка.

По овој драмски текст е работена истоимената претстава од училиштето за театар „Од игра до претстава“ во 2017/2018 година.

Марјан Анѓеловски е роден во Скопје во 1987 година. Пишува и настапува низ земјава и низ Балканот со хумор, сатира и стендап-комедија. Неговите афоризми досега се објавувани во: „Остен“, „Јеж“, „Носорог“, „Макс Минус“, „Вечерни новости“, „Политика“, „Пулс 24“ и други весници, списанија и електронски портали низ Балканот. Автор е на книгата Македонијо, OFF  мори мајко и коавтор на книгата Три ем заедно со Миле Ѓорѓијоски и Миро Георгиевски. Застапен е и во неколку антологии на балканскиот и на македонскиот афоризам. Добитник е на три трети награди на „Вечерта на македонскиот афоризам“ во Кочани (2016, 2017, 2018 год.), втора награда на фестивалот за сатира „Чивијада“ во Шабац – Србија (2017), како и на наградата „Млади Типар“ за најдобар млад сатиричар на поранешните ју-простори во Пљевља – Црна Гора (2017 год.).

Comments (0)

Напиши коменатар

Вашето име:


Рангирање: Лошо           Добро

Внесете го кодот од сликата долу:




Вашиот коментар: Забелешка: HTML is not translated!