Корисничка поддршка:
Македонски English

„САФАРИ НА ДУХОТ“ ОД НАДА БУЧЕВИЌ – ЗА ПОИНАКВО БУДЕЊЕ НА МУДРОСТА КАЈ ДЕЦАТА!

by Kristina Velevska | No comments yet. | 417 views on this post

Наскоро во „Антолог“, ексклузивно на македонски јазик

„САФАРИ НА ДУХОТ“ ОД НАДА БУЧЕВИЌ – ЗА ПОИНАКВО БУДЕЊЕ НА МУДРОСТА КАЈ ДЕЦАТА!

 

19 февруари 2017, Скопје – Издавачката куќа „Антолог“ од Скопје со огромно задоволство најавува дека по големиот успех што го постигнаа книгите на Ана Бучевиќ кај македонската публика, конечно од печат излегува и книга од нејзината сестра близначка, Нада Бучевиќ, наменета пред сè за децата, но и за нивните родители. Станува збор за книгата „Сафари на духот – приказни за будење на мудроста“, која од денеска и официјално е во продажба во книжарниците на „Антолог“ во Центар и во Дебар Маало и во електронската книжарница на antolog.mk.

Ана и Нада Бучевиќ ги нарекуваат „најпознатите близначки на Балканот“, истакнати по ведрата енергија и позитивните приказни со кои го променија животот на илјадници луѓе. Тие се најбараните мотивациски говорнички и авторки на овие простори последниве неколку години.

Овие приказни за деца се своевидно продолжение на книгата „Сафари на духот – книга за мудроста на воспитувањето деца“ од Ана Бучевиќ, која им се обраќа на родителите со желба да спознаат како мудроста на воспитувањето започнува со работата на себе како родител. Основната порака на таа книга е дека децата се огледало на родителите, а изразот „такво си е детето“ е можеби една од најголемите заблуди на минатото и на сегашноста. Време е да спречиме да стане дел и од иднината. И тоа е одлична вест за сите родители.

Оваа книга им се обраќа на децата со посредство на приказните, во кои подеднакво ќе уживаат и родителите и децата, кои ќе ги потсетат на вистинските вредности, оние што ни осигуруваат радосен и исполнет живот, преполн љубов, пријатели и среќни односи, живот што на крајот ќе биде исполнет со прекрасни спомени.

Во денешното општество вредностите се поставени погрешно, а ги немаат поставено децата. Тие упорно се обидуваат да нè потсетат што всушност е животот. И ни го носат најубавиот подарок – повторното детство. Затоа, оваа книга е вистинскиот избор за сите оние што го посакуваат најдоброто за своите деца!

И научно е докажано дека медитативните приказни имаат позитивен ефект врз емоционалниот, менталниот и интелектуалниот развој на децата. Во тој поглед, „Сафари на духот – приказни за будење на мудроста“ ќе им помогне на децата: да го зајакнат здравиот емоционален и интелектуален развој; подобро да се носат со стресните ситуации; да ги развијат фантазијата и креативноста; да ги зајакнат паметењето, концентрацијата и вниманието; да ги разбудат потенцијалите што ги носат во себе; да се подготват за училишните денови; да развиваат добри односи со семејството и со пријателите; да ги контролираат негативните мисли; да ги зајакнат самодовербата и самопочитта; ненасилно да ги решаваат конфликтите; да ја зајакнат емпатијата; и најважно од сè – да пронајдат внатрешен мир.

Нада Бучевиќ е родена во 1978 година во Сплит, Хрватска. Професорка е по кинезиологија и заедно со својата сестра Ана ја има започнато програмата за воспитување „Сафари на духот“, која го акцентира себевоспитувањето кај родителите како прв чекор при правилното воспитување на децата.

„Пишувањето, заедно со децата и знаењето, е мојата најголема љубов, поради што денес по струка сум професорка и авторка на приказни за будење на мудроста. Својата ќерка уште од раѓање ја подучувам на животните мудрости од приказните и на животните вредности што ги сметам за основни. Поради тоа, денес имам пресреќна ќерка, која живее и дава љубов, омилена е меѓу другарчињата и верува дека може да биде сè што ќе посака. Животот го сметам за подарок, а она што ќе го направиме од него го сметам за наш подарок на животот“ – вели за себе таа.

Comments (0)

Напиши коменатар

Вашето име:


Рангирање: Лошо           Добро

Внесете го кодот од сликата долу:




Вашиот коментар: Забелешка: HTML is not translated!