Корисничка поддршка:
Македонски English

„И КНИГИТЕ ОДАТ ВО ПАР“ ВО МЕСЕЦОТ НА ЉУБОВТА И ВИНОТО

by Kristina Velevska | No comments yet. | 194 views on this post

„Антолог“ најавува

„И КНИГИТЕ ОДАТ ВО ПАР“ ВО МЕСЕЦОТ НА ЉУБОВТА И ВИНОТО

 

30 јануари 2018, Скопје – Издавачката куќа „Антолог“ од Скопје со особено задоволство ја најавува акцијата „И книгите одат во пар“, која започнува денеска, а ќе трае до средината на февруари. По повод месецот на виното и љубовта, „Антолог“ и оваа година ви нуди прекрасни можности за да им одберете подарок на вашите сакани и блиски.

Традиционално во „Антолог“ во февруари и книгите одат во пар, а ги „спаруваат“ самите читатели. Така, и овој февруари за само 400 ден. читателите може да си направат комбинација од две книги (по сопствен избор) од следните 12 наслови:

- Ова се имињата од Томи Виринга, добитничка на престижната награда „Либрис“ за 2014 година;

- Отело, Арапинот на Валона од еден од најценетите албански современи писатели, Бен Бљуши;

- исландската сага Помеѓу рајот и пеколот од Јон Калман Стефансон;

- љубовно-историската приказна Холандска девица од Маренте де Мор;

- возбудливиот детективски роман Убиство во библиотеката од романскиот писател Џорџе Арион;

- длабоката португалска психолошка драма Сочувство од Дулсе Марија Кардозо;

- Историја на светлината од Јан Њемец, роман за чешкиот фотограф Франтишек Дртикол и за историјата на фотографијата како нов вид уметност;

- Бели црнци од норвешкиот писател Ингвар Амбјернсен, книга манифест на младешката култура на 1970-тите;

- романтичниот и трогателен роман Добриот љубовник од Стеинун Сигурдардотир;

- Виљево од оригиналниот хрватски автор Лука Бекавац, добитник на наградата за литература на Европската Унија;

- романот Емаус од омилениот италијански писател на многу генерации, Алесандро Барико;

- романизираната биографија за Марија Кири, Книга за Бланш и Мари од Пер Улов Енквист.

Акцијата важи само во Книжарницата „Антолог“ на ул. „Димитрие Чуповски“ бр. 31 и во електронската книжарница на antolog.mk.

А на сите оние што сакаат вистински да ги изненадат своите сакани со неповторлив подарок или да се изненадат себеси со прекрасна книга што ќе им помогне да ја (до)живеат љубовта, издавачката куќа „Антолог“ им го препорачува бестселерот Што (не) е љубов од Ана Бучевиќ.

                                                                                    

– За љубовта не треба дефиниција, но за сето она околу неа и за она што се однесува на неа треба. Токму поради недефинирањето на животните сегменти во кои се изразува љубовта, доаѓа до тоа луѓето сешто да нарекуваат љубов. Со оваа книга авторката Ана Бучевиќ сака да им помогне на своите читатели да дојдат до сопствените дефиниции поврзани со љубовта. Да се живее животот значи да се живее она што навистина сме. Проверете зошто оваа книга им ги промени животите на илјадници луѓе низ Балканот – велат од „Антолог“.

Уживајте во романтичниот месец на љубовта и виното со прекрасната понуда на наслови од „Антолог“. Подарете книга, подарете љубов!

Comments (0)

Напиши коменатар

Вашето име:


Рангирање: Лошо           Добро

Внесете го кодот од сликата долу:




Вашиот коментар: Забелешка: HTML is not translated!