Корисничка поддршка:
Македонски English

НОВА ГОДИНА ДОАЃА ПОРАНО ПОРАДИ 100. КНИГА ОД ЕДИЦИЈАТА „БРАНОВИ“

by Kristina Velevska | No comments yet. | 667 views on this post

„НОВА ГОДИНА ДОАЃА ПОРАНО“ ПОРАДИ 100. КНИГА ОД ЕДИЦИЈАТА „БРАНОВИ“!

 

4 ноември 2015, Скопје – Издавачката куќа „Антолог“ од Скопје со големо задоволство ја најавува својата нова акција „Нова година доаѓа порано!“, која ја организира по повод објавувањето на „Жените на Лазар“, стотата книга од едицијата „Бранови“, а двесте и педесеттата во севкупната продукција. Затоа, од 1 ноември „Антолог“ му подарува сто денари бонус на секој купувач во Книжевниот центар и подарок стотата книга за сметка над илјада денари!

„Во нашиот продажен простор Нова година доаѓа порано, односно уште во ноември, кој го посветуваме на малиот јубилеј во едицијата 'Бранови', која, како што сме споменале многупати досега, важи за омилена кај нашата читателска публика. Објавувањето на прекрасниот роман 'Жените на Лазар' од руската писателка Марина Степнова за нас е навистина значаен настан, па сакавме да го прославиме со своите посетители. Поради тоа, решивме овој период да биде во знакот на бројот сто – така, сите купувачи ќе добијат сто денари попуст на своите сметки, а оние што ќе ја надминат сумата од 1000 денари ќе ја добијат и оваа вредна книга на подарок “, соопштуваат од „Антолог“.

100. книга од едицијата „Бранови“ и 250. во продукцијата на „Антолог“, „Жените на Лазар“ од Марина Степнова, е едноставен роман за едно семејство што ја одразува историјата на цела епоха. Книгата донесува потресна трагедија, бајковитост, метафоричност, длабоки психолошки портрети, како во класичните руски романи. Секоја страница во неа – страниците за мирот и за војната, за науката, за создавањето на атомската бомба, за балетот – всушност се страници за љубовта. Делото е добитник на наградата „Големата книга“, највредната книжевна награда по Нобеловата. „Жените на Лазар“ е објавена со поддршка на Институтот за книжевни преводи од Русија.

                                                                                     

Акцијата важи само во просториите на Книжевен центар „Антолог“, улица „Ѓорѓи Пулевски“ бр. 29 лок. 1.

Comments (0)

Напиши коменатар

Вашето име:


Рангирање: Лошо           Добро

Внесете го кодот од сликата долу:




Вашиот коментар: Забелешка: HTML is not translated!